السلام عليكم ورحمة الله وبركاته
أولا أنا في الحقيقه مش عارفه الموضوع ده هيعجبكوا ولا لأ !!!
بس أنا حبيت أكتبه لأن حصل قدامي موقف بجد غريب وأنا نفسي متوقعتش أنه يحصل أبدا
واللي حصل كالأتي .....
أنا كنت راحه التحرير وكانت في زحمه على كبري قصر النيل
وده طبعا العااااااااادي
مفيش أي مشاكل
المهم في عربية شرطه قربت جنب التاكسي اللي كنت فيه وكان فيها عسكري بيسوق وجنبه ظابط برتبه كبيره
ولقتهم مشغلين أغنيه شعبيه بجد بيئه جدا
قولت مااااااااااااشي مفيش مشاكل
كل واحد وزوقه
فجأه لقيت الظابط صاحب الرتبه الكبيره بيمسك الميكرفون اللي في العربيه وفتحه ووجهه ناحية الكاست
وطبعا يعتبر كبري قصر النيل سمع الأغنيه من الميكرفون
وشئ طبيعي الكل يبقى مذهول من الموقف العجيب ده
وسواق التاكسي اللي كنت فيه لما اندهش من اللي عمله الظابط كل اللي قاله
" لا اله الا الله "
لقيت بقى الظابط بص ليه وقاله ...
" بص قدامك وأمشي عدل بدل ما أبهدلك "
لقيت الراجل الغلبان بيقوله طبعا ...
" حاضر يا بيه ... تحت أمرك "
أنا بجد مبقتش مصدقه اللي حصل
ومتتخيلوش أنا كان نفسي أعمل أيه وقتها
أسفه طولت عليكوا
بس الموقف بالنسبه ليا فعلا غريب
ياااااااااااااا اارب الموضوع يعجبكوا
وأتمنى أني أشوف أغرب المواقف اللي حصلت ليكوا أو شوفتوها
موضوع: أيه أغرب موقف حصل ليك أو قدامك ؟؟؟